Í boði er OKI  LED litprentari gerð C650dn, einstakur A4 litprentari, tvíhliða prentun í 1200 x 1200 punkta upplausn í pappírsstærðum B8 upp í 216 x 1321 mm, pappírsgeta 256 g. Prenthraði 35 blöð á mínútu í einhliða prentun  í lit eða mono. Ítarlegri upplýsingar hjá umboði. Listaverð: kr. 349.800 m/vsk. Svartur föstudagur tilboð 15% afsláttur eða kr. 297.330 m/vsk.

Með aukinni áherslu á stafrænt öryggi og öryggi gagna er nauðsynlegt að skoða hvað er hægt að gera til að tryggja öryggið eins og hægt er. Eitt af því sem hægt er að gera er að notast við svokallaða HSM (Hardware Security Module), sem dulkóðar stafræna lykla og ver þannig mikilvægar tölvur og netþjóna sérstaklega.

Fyrirtækið Entrust býður upp á svona HSM í nokkrum útfærslum, bæði frístandandi og sem hluta af tölvum eða netþjónum sem gera þá tölvuþrjótum erfiðara fyrir að komast inn í gögn eða lykla í mikilvægum tölvum.

Undanfarin ár höfum við 1. september uppfært verðskrá fyrir útseldri vinnu og þjónustu tælnimanna og tekið þá að einhverju leyti tillit til verðlagshækkana á vinnumarkaði í byrjun ársins.  Verðskrá þessi gildir í eitt ár að öllu óbreyttu. Unnt er að fá upplýsingar um verð á einstökum verkþáttum  með því að hafa samband við okkur.

Höfum haft milligöngu um prentun plastkorta fyrir banka, stofnanir, fyrirtæki, félagasamtök o.fl í áratugi eða alveg frá upphafi áttunda áratugs síðustu aldar, þ.e. í meira en 50 ár. Núna önnumst við milligöngu um slíka prentun hjá nokkrum erlendum kortaprentsmiðjum í nærumhverfi okkar með stuttum biðtíma. Boðið er upp á alls konar útfærslur í prentun, glansandi eða mött kort, glansprentun vörumerkis eða annað svipað, þrívíddarútlit eða þrívíddarmynstur o.fl. afbrigði. Með langa þekkingu okkar og reynslu á þessu sviði erum við reiðubúnir  að veita ráðgjöf og afla tilboða í slíka prentun, hvort sem vantar nokkur hundruð kort eða tugþúsundir korta.

Skólaárið er að hefjast ef ekki þegar hafið. Eru bjöllurnar í lagi og  hringja þær á réttum tímum?Hvernig er með veggklukkurnar í skólanum? Eru þær allar á sama tíma? Klukkur sem sýna ekki nákvæmlega eins tíma geta valdið ruglingi.

Með þessum orðum byrjar orðsending sem send hefur verið í tölvupósti til skólastjóra flestra ef ekki allra grunnskóla á landinu, þar sem við viljum vekja athygli á nauðsyn þess að hafa sýnilegar klukkur á veggjum og ekki síst ef þær eru fleiri en ein að þær sýni allar sama tíma. Með BODET-TIME klukkunum uppfyllum við þessi skilyrði með miklu úrvali af alls konar klukkum.

DSE prentarinn er sá nýjasti í DS-línunni frá Entrust framleiðanda vinsælla plastkortaprentara sem hafa verið seldir hér sl. 30 ár.
Þessi kortaprentari er einföld útgáfa af DS1 prentaranum vinsæla en með sömu gæði og með sama öryggi gegn spilliforritum og vírusum.
Einfölduð útfærsla á stjórnbúnaði og fleiri þáttum einkenna þennan prentara. Unnt er að fá hann fyrir bæði einhliða og tvíhliða prentun, tenging við tölvu með USB kapli fyrir einhliða prentarann en nettenging að auki fyrir tækið með tvíhliða prentun.

Verðið! Láttu það koma þér á óvart.
Viltu vita meira um þennan prentara?
Hafðu samband við okkur!

•Innbyggður vefþjónn: Aðgengilegt og notendavænt viðmót, valmyndir í
sjö tungumálum. Auðveldur í uppsetningu og við eftirlit.
•Einingasniðinn og með raufar til að bæta við NTP, PTP eða IRIG
netspjöldum sem eru valkostir fyrir langtímafjárfestingu.
•Hárnákvæmni og áreiðanleiki vegna hágæða íhluta, m.a. viftulausa
hönnun.
•Framþróað öryggi, örugg stjórnun með HTTPS og örugg auðkenning
(LDAP/LDAPS/Radius/
•Vörn gegn eftirlíkingum og truflanavörn með öruggu GNSS
loftneti sem er hannað til að greina og lágmarka áhættu á
truflunum. Einnig unnt að fá með GPS loftneti.
•Vottun frá NPL National Physical Laboratory

Tímaþjónar frá Bodet-Time fást í þremur útfærslum, Netsilon 7, 9 og 11

Hjá okkur fást plastkortaslíður í mörgum gerðum og afbrigðum, opin og lokuð slíður, úr harðplasti eða mjúku plasti, sum hver endurvinnanleg, önnur úr vistvænu efni, þ.e. svokallað „biodegradable“ (sjá mynd). Einnig slíður fyrir tvö kort, sum með öryggisfestingu, einnig slíður með RFID vörn. Margar gerðir eru fyrirliggjandi hjá okkur, aðrar er unnt að sérpanta. Skoðið úrvalið á þessari slóð:  Kortaslíður – Otto B. Arnar ehf.

Höfum einnig mikið úirval af hálsböndum, snúruhjólum (jojo), klemmum o.fl.

Nú er hægt að fá PROFIL 730 og 740 skífuklukkurnar (hliðrænu) og einnig PROFIL 930 of 940 skífuklukkurnar (hliðrænu) sem nota rafhlöður sem aflgjafa líka fyrir WiFi tengingu og gildir einu hvort klukkurnar sýni aðeins klst og mín. og einnig sekúndur. PROFIL 730/740 klukkurnar er með ryðfríar stálumgjörðir, en PROFIL 930/940 klukkurnar eru með málaðar umgjörðir, annaðhvort svartar, hvítar eða állitaðar. Með þessari nýjung fá klukkurnar leiðréttingarboð frá beini netkerfisins. Við erum með umboð fyrir Bodet-Time á Íslandi.

Á þessu ári sem er að líða hefur Birgir Arnar framkvæmdastjóri félagsins Otto B. Arnar ehf., starfað hjá því í 60 ár, en hann hóf störf árið 1964 og tók við rekstrinum eftir andlát föður síns og stofnanda félagins Otto B. Arnar, árið 1972. Á þessu tímabili hafa orðið margvíslegar breytingar á rekstrarumhverfi fyrirtækja, bæði vegna tækniþróunar og líka samfélagsbreytinga en alltaf hefur Birgir staðið vaktina, líka gegnum efnahagsleg áföll sem hafa dunið á þjóðinni og má þar sem dæmi telja efnahagsþrengingar í lok áttunda áratugarins, covid faraldurinn fyrir nokkrum árum og ef til síðast en ekki síst efnahagshrunið 2008, sem var það versta í um það bil 100 ár.

Á þessum tíma hefur Birgir oft á tíðum lagt nótt við dag til að halda rekstrinum gangandi og hefur oftar en ekki fórnað sínum eigin hagsmunum og tíma til að svo geti verið og hefur hann til að mynda sjaldnast tekið sér hefðbundið sumarfrí eða verið frá vinnu vegna veikinda og ég hugsa að hann hafi verið minna frá vinnu en margir starfsmenn á öðrum sviðum atvinnulífsins sem ekki mun tíundað hér, til samans, enda virðist í ákveðnum stéttum vera orðin lenska að vinna minna og kvarta meira.

Við óskum Birgi til hamingju á þessum tímamótum og vonum að hann geti notið starfskrafta sinna eins lengi og hann hefur löngun til. (Snorri B. Arnar – 20.12.2024.)