Enda þótt notkun umslaga fer ört þverrandi eru margir bankar og innheimtufyrirtæki enn að senda tilkynningar bréfleiðis, ennfremur liggur markaðsfæri í tilkynningum á bréfsefni, t.a.m. í beinni markaðskynningu. Allir vita hversu ömurlegt það getur verið að handbrjóta pappír og stinga inn í umslag og loka því.  Nauðsynlegt að hafa plástur í skúffunni. Við erum með í umboðssölu lítið notaða umslagapökkunarvél, Pitney Bowes gerð „Relay“ 2000. Hún er snögg að brjóta pappírinn í helming eða í þrennt og stinga honum inn í umslagið. Ef það er með lími á gamla mátann getur hún vætt límið og lokað umslaginu. Hafðu samband – verðið er samkomulagsatriði!

KELIO hugbúnaðurinn er hentugur fyrir rekstur, sem er með fleiri en eina starfsstöð en eina miðlæga starfsstöð sem heldur utan um allar tímaskráningar og viðveru starfsfólks á starfsstöðvunum. Sníða má hugbúnaðinn að verksviði hvers starfsmanns og skrá viðveru og fjarveru, dagvinnu og yfirvinnu, skv. kjarasamningi eða sérstökum vinnusamningi. Skráning gegnum klukku, ýmist með nándarkorti (lykli) eða fingrafari. Einnig fjarskráning með farsíma er möguleg. Margir aðrir þættir fólgnir í hugbúnaðinum, svo sem aðgangsstýring, skilaboð o.fl. Ánægðir notendur hérlendis, hvernig væri að heyra í okkur og kynnast Kelio lausninni?

Í sambandi við kynningu sem nú stendur yfir  á SIGMA plastkortaprenturum, nýrri framleiðslu frá ENTRUST (áður Datacard) birtum við hér kynningarmyndband um þessar vélar.

Nú stendur yfir kynning hjá okkur á nýrri línu plastkortaprentara frá Entrust fyrirtækinu, sem áður hét Entrust Datacard, en við höfum í marga áratugi selt hérlendis litla kortaprentara fyrir starfsmannaskírteini, félagakort o.fl.
Í nýju línunni eru fjölmargar útfærslur prentara með breytilegum eiginileikum og að sjálfsögðu val um prentara með segulrandar- og/eða örgjörvakóðun, fyrir snertilausa örgjörva eða með snertum, eins og bankakortin.
Sameiginlegt með öllum prenturunum er að þeir eru allir búnir TLS/SSL vottunum og stjórna má þeim á hefðbundinn hátt eða með snjallsímasmáforriti. Myndgæði eru allt að 300 x 1200 dpi og valkostir um glansprentun á einstaka fleti eða útfjólubláa prentun (ósýnileg berum augum).
Sýningarprentari á staðnum, svo og fullkominn hugbúnaður fyrir kortahönnun og miðlun samskipta við prentarann.
Verið velkomin að sjá og sannfærast!

Samstarfsaðili okkar til 35 ára, Entrust Datacard Corp. sem reyndar hét í byrjun samstarfsins Datacard Corp, en breytti nafninu í Entrust Datacard þegar það keypti kanadíska Entrust fyrirtækið fyrir 6 árum síðan, en það sérhæfir sig í alls kyns öryggisvottunum og stafrænum skilríkjum fyrir lokaðar vefsíður eða lén, en einnig stafrænum skilríkjum fyrir stafrænar undirskriftir, kóðaða lykla á internetinu, öryggi í tölvupóstum og farsímum. Einnig bjóða þeir PKI lausnir og fleira mætti telja.
Ein nýjungin felst í lyklalausu og snertilausu aðgengi að vinnutölvu innan veggja fyrirtækja eða félaga með rafrænu aðgengi gegnum farsíma notanda ýmist gegnum lífsýni, andlitsskönnun eða PIN og þegar það er fengið virkjast „Bluetooth“ tenging við tölvu notanda, þannig að hverfi hann um stundarsakir frá tölvu sinni lokast sjálfkrafa aðgengi annarra að verkþáttum, sem unnið er við og opnast ekki fyrr en starfsmaður kemur til baka. Að sjálfsögðu háð skilyrðum um tölvunotkun settar af yfirstjórn félags.
Því ekki slá á á þráðinn eða senda okkur skilaboð gegnum messenger, eða þá senda okkur tölvupóst, oba@oba.is.

Félagið Incodia International í Bretlandi framleiðir m.a. prentuð plastkort af öllum gerðum, með eða án segulranda og örgjörva. Það hefur í allmörg ár framleitt kort fyrir nokkra viðskiptavini okkar og má þar nefna m.a. Evrópska sjúkratryggingakortið, F.Í.B. félagakortið o.fl en síðast var framleitt kort fyrir Slysavarnaskóla sjómanna, og var það afgreitt til skólans í nýliðnum mánuði.
Umhverfismál eru ofarlega á baugi hjá fyrirtækinu og nýlega hefur það kynnt nýja afurð sem þau kalla „Earth Cards“ eða sem þýða má sem jarðarkort. Þau skiptast í tvo meginþætti, annars vegar kort úr þykku kartoni allt að einum millimetra á þykkt, mött eða glansandi og hins vegar endurunnin og uppleysanleg plastkort.
Þau fyrrnefndu kallast á þeirra máli „Premium Coated Board“ og „Premium Uncoated Board“ en einnig „Good Coated Board“ og má nota þau fyrir fundi og ráðstefnur sem barmmerki með nöfnum gesta, en hin síðarnefndu „Degradable PVC“ sem munu eyðast með tímanum, svo og „Recycled PETG“ en PET G eru PVC plastkort án klórefna en síðan endurunnin allt að 60% en það gerir þau umhverfisvænni en hefðbundin plastkort úr PVC efni. Það má prenta nöfn á þessi kort, með bleksprautuprenturum eða með hitaprentun (Thermal print).
Fylgst verður með þróun þessarra kortagerða, því að þetta eru aðeins fyrstu tegundirnar. Enn sem komið er eru þau aðeins dýrari en venjuleg kort en það kann að breytast ef eftirspurn eykst eftir slíkum kortum.
Að lokum má nefna að til eru aðrar gerðir af umhverfisvænum kortum, svo sem PC, ABS, PET, en við flest þeirra verður að notast við dýra tækni til að setja nöfn eða myndir korthafa á kortin, helst með geislatækjum eða flóknari og almennt dýrari kortaprenturum.

Vakin skal athygli á því að endurbætur hafa nú verið gerðar á Sögu OBA sem var gefin út í tilefni af 100 ára afmæli félagsins og jafnframt hafa verið gerðar lagfæringar á ritvillum og framsetningu, en söguna má finna undir hlekknum: Um OBA hérna á heimasíðunni.