Að undanförnu hefur ENTRUST fyrirtækið verið að breyta umbúðum utan um prentborðana fyrir plastkortaprentara í umhverfisvænar umbúðir, sbr. meðf. mynd. Þetta er jákvætt, en neikvæðu fréttirnar eru að vegna hækkunar á hráefni sem notað er í framleiðslu á þessum prentborðum hefur fyrirtækið neyðst til að hækka verðið á þeim. Þetta hefur verið gert í smáskömmtum en engu að síður eru hækkanir nánast í hverri sendingu sem við fáum. Að auk hefur bandaríkjadollar hækkað að undanförnu, svo að þessi hækkun hefur einnig áhrif á verðið. Okkur þykir þetta miður og vonum að þessar hækkanir verði  ekki viðvarandi öllu lengur. Það má og geta þess að það eru fyrst og fremst prentborðar í gömlu SP og SD prentaralínuna sem hækka mest, en rekstrarvörur í SIGMA prentarana eru frekar hófstilltir í verðhækkunum enn sem komið er.

Nýlega voru settar upp tvær samtengdar stafrænar útiklukkur frá Bodet-Time á Glerártorgi á Akureyri, en auk tímans sýna þær einnig hitastig. Klukkurnar eru með 25 cm rauðum stöfum og til að viðhalda ávallt réttum tíma taka þær við GPS merkjum frá gervitunglum. Sams konar klukka er í Sundlaug Akureyrar, en á fæðingardeild  Sjúkrahúss Akureyrar eru tvær stafrænar inniklukkur með WiFi tengingu, sem sýna nákvæmlega réttan tíma þegar fæðing á sér stað.

Nýjung hjá Bodet-Time framleiðanda hliðrænna og stafrænna veggklukkna er WiFi klukkur, sem fá tímamerki beint frá beini með skráningu  IP tölu og séu fleiri en ein klukka á staðnum munu þær allar sýna sama tíma. Þær þurfa því aðeins rafmagnstengingu en nauðsyn á tengingu við sérstaka stjórnstöð er óþörf. Nýlega voru tvær stafrænar klukkur með WiFi tengingu, eins og myndin sýnir, settar upp í fæðingarstofum í Sjúkrahúsinu á Akureyri og er almenn ánægja með þessar klukkur. Við bjóðum áfram klukkur sem ýmist vinna sjálfstætt eða með tengingu við stjórnstöð þegar WiFi klukkur henta ekki til notkunar á viðkomandi stað eða ef stjórnstöðin eigi jafnframt að stjórna bjölluhringingum eða öðrum tímasettum aðgerðum.

Vorum að fá sendingu á nokkrum OKI prenturum, sem prenta í svörtu á A4 pappír (eða minna). Þetta eru B412dn gerðin sem prentar báðum megin ef svo ber undir, prenthraði 33 einhliða síður á mínútu. Sama verð og áður, þ.e. tæplega 50 þús. kr.  Eins og flestir vita er orðið erfitt að fá sum prenttæki til landsins, fyrst og fremst vegna skorts á hálfleiðurum, en einnig vegna tafa á flutningi milli landa, sérstaklega frá Asíulöndum.

Enda þótt notkun umslaga fer ört þverrandi eru margir bankar og innheimtufyrirtæki enn að senda tilkynningar bréfleiðis, ennfremur liggur markaðsfæri í tilkynningum á bréfsefni, t.a.m. í beinni markaðskynningu. Allir vita hversu ömurlegt það getur verið að handbrjóta pappír og stinga inn í umslag og loka því.  Nauðsynlegt að hafa plástur í skúffunni. Við erum með í umboðssölu lítið notaða umslagapökkunarvél, Pitney Bowes gerð „Relay“ 2000. Hún er snögg að brjóta pappírinn í helming eða í þrennt og stinga honum inn í umslagið. Ef það er með lími á gamla mátann getur hún vætt límið og lokað umslaginu. Hafðu samband – verðið er samkomulagsatriði!

KELIO hugbúnaðurinn er hentugur fyrir rekstur, sem er með fleiri en eina starfsstöð en eina miðlæga starfsstöð sem heldur utan um allar tímaskráningar og viðveru starfsfólks á starfsstöðvunum. Sníða má hugbúnaðinn að verksviði hvers starfsmanns og skrá viðveru og fjarveru, dagvinnu og yfirvinnu, skv. kjarasamningi eða sérstökum vinnusamningi. Skráning gegnum klukku, ýmist með nándarkorti (lykli) eða fingrafari. Einnig fjarskráning með farsíma er möguleg. Margir aðrir þættir fólgnir í hugbúnaðinum, svo sem aðgangsstýring, skilaboð o.fl. Ánægðir notendur hérlendis, hvernig væri að heyra í okkur og kynnast Kelio lausninni?

Í sambandi við kynningu sem nú stendur yfir  á SIGMA plastkortaprenturum, nýrri framleiðslu frá ENTRUST (áður Datacard) birtum við hér kynningarmyndband um þessar vélar.

Nú stendur yfir kynning hjá okkur á nýrri línu plastkortaprentara frá Entrust fyrirtækinu, sem áður hét Entrust Datacard, en við höfum í marga áratugi selt hérlendis litla kortaprentara fyrir starfsmannaskírteini, félagakort o.fl.
Í nýju línunni eru fjölmargar útfærslur prentara með breytilegum eiginileikum og að sjálfsögðu val um prentara með segulrandar- og/eða örgjörvakóðun, fyrir snertilausa örgjörva eða með snertum, eins og bankakortin.
Sameiginlegt með öllum prenturunum er að þeir eru allir búnir TLS/SSL vottunum og stjórna má þeim á hefðbundinn hátt eða með snjallsímasmáforriti. Myndgæði eru allt að 300 x 1200 dpi og valkostir um glansprentun á einstaka fleti eða útfjólubláa prentun (ósýnileg berum augum).
Sýningarprentari á staðnum, svo og fullkominn hugbúnaður fyrir kortahönnun og miðlun samskipta við prentarann.
Verið velkomin að sjá og sannfærast!